Letra de ' Boita Na Fazenda (part. Ineida Moniz) ' de Romeu Di Lurdis

10:30 na Fazenda tol ta kema ta ratxa pedra
Pulisia tranzitu ragaladu ta sumara sabidu na skina 4/4 multa na kosta
Rabidanti bera strada, ajudanti panha-l banhera
E ta da sapateta me ka ta bai
E rufa rostu e puxa boka
E fika sakedu ku ordidja na mo
Panpuna entra bu xinta, kuazi dja nu da rinkada
Falta poku lugar na meiu, sta pasajerus dianti kureiu
Nu ta panha faxi nu ta ba d'un bes
Afinal era kabesas ki staba na banku tras

So vira n dixi, so vira n dixi
Rotxadu n ka ta bai, inda ku banhera na ragás
So vira n dixi, so vira n dixi
Rotxadu n ka ta bai, inda ku banhera na ragás

Sinhor kundutor di iasi, ka nhu da-m boita na Fazenda
Pamo kabesa ta Maria-m, bariga ta korta-m
N ata ba bende la fora
Sinhor kundutor di iasi, ami n ten ora txiga kaza
Nha mininu sta ku vizinhu
Se pa n perde nha maridu para nhu po-m na txon

Minha sinhora nha diskulpa-m
Fin di mes saku d'aros, nha mudjer ka ta perdua-m
Minha sinhora nha diskulpa-m
Ma karu ka ta anda ku águ i patron ka ta obi ka ten

Abri janela sta kalor, rádiu sta mutu altu
Dexa-m kunpra laranja pastel na San Dimingu
Presa ka ta kaba strada nem dinheru ka ta txiga

Na na nau ka sanha na mi, mininu ka sta li
Ruspeta-m n ta ruspeta-bu
É pon di kada dia ki nos tudu ata buska
Nu fase djetu sen puxa-puxa

Rabidanti nha é rabujenta
Da-m koxi tudu kaminhu
La Somada dianti prasa
Dianti prasa nha ta paga-m

É 200 merés ki n debe-bu
Pasa-m nha troku, dja n bai
Ami n ka kre konfuzon
N sta kansadu n ka pode ku bran-bran